“ТЕНКОВИ, ОКЛОПНИ ВОЗИЛА ОД НАТО…“ – Министерот за одбрана на Украина најавува: “Ќе видите!“

Украина тврди дека ослободила 130 квадратни километри територија.

„Ослободувањето на група села под руска окупација во последните недели не е главниот настан во планираниот напад на Киев“, изјави за Financial Times, Олексеј Резников, министер за одбрана на Украина.

„Кога тоа ќе се случи, сите ќе видат… Сите ќе видат сè“, нагласува тој за Financial Times во интервјуто објавено претходниот ден, отфрлајќи ги медиумските извештаи за бавниот украински напредок против зацврстените руски позиции на фронтот.

„Главните резерви на украинските војници, вклучително и повеќето бригади неодамна обучени од Запад и опремени со современи тенкови и оклопни возила на НАТО, допрва треба да се користат во операцијата“, објаснува министерот за одбрана на Украина.

Армијата на Украина кон крајот на минатата недела објави дека ослободила вкупно 130 квадратни километри територија окупирана од Русија во јужна Украина, откако започна контраофанзива пред околу три недели и објави мали но важни успеси на источниот фронт.