Тејлор Свифт наскоро ќе издаде нов албум, а една песна би можела да биде посветена на Блејк Лајвли

Една од најавените песни од новиот албум на Тејлор Свифт, „Животот на една шоугерл“, ги натера фановите да се прашуваат дали таа напишала песна за Блејк Лајвли.

Свифт го откри насловот на својот нов албум, кој ќе содржи 12 нови песни. Албумот треба да излезе на 3 октомври, а насловот на шестата песна „Ruin the Friendship“ привлече особено внимание.

Долгогодишното пријателство на Лајвли и Свифт е под лупа на јавноста откако започна правната битка на Лајвли со режисерот Џастин Балдони.

Името на Тејлор се појави и во овој процес, кога правниот тим на Балдони во тужба поднесена во јануари тврдеше дека Свифт го принудила да ги прифати монтажите на Лајвли за филмот на кој работеле заедно. Тимот на Балдони подоцна продолжи да бара пристап до записите од комуникациите на Лајвли со Свифт.

Eu tenho CER-TE-ZA que Ruin The Friendship no novo álbum da Taylor Swift é sobre a Blake Lively

— Didi Effe (@didif) August 14, 2025

Зборувајќи за песната на Тејлор, обожавателите коментираа на Твитер: „Кој друг мисли дека „Ruin The Friendship“ е за Блејк Лајвли и Тејлор Свифт?“, „Сигурна сум дека оваа песна е наменета за Блејк Лајвли“.

Извор близок до Свифт претходно изјави за „Пипл“ дека таа е навистина повредена откако била вмешана во правната битка меѓу Лајвли и Балдони. Тој исто така истакна дека тие работат на тоа да бидат во добри односи, иако нивното пријателство не е исто како порано.