,,Тие се на работ на катастрофата, илјадници ќе умрат!” Земја на работ на катастрофа поради неухранетост, УНИЦЕФ со итна изјава: „Ова не е природно“

Западните крајбрежни области на Јемен се на работ на катастрофа поради неухранетост, објави денеска Агенцијата за деца на Обединетите нации ( УНИЦЕФ ).

Питер Хокинс од УНИЦЕФ им рече на новинарите во Женева преку видео врска од Сана дека во некои области тешката и акутна неухранетост е 33 проценти.

„Особено на западниот брег, во Ходеида, тие се на работ на катастрофа… каде што илјадници луѓе ќе загинат”, рече тој, според Ројтерс.

Намалувањата на помошта од САД и други донатори, заедно со сериозниот недостиг на дистрибуција на храна во 2024 година, придонесоа за критични ситуации во некои области. Според УНИЦЕФ,  едно од две деца на возраст под пет години е неухрането во Јемен, заедно со 1,4 милиони бремени жени и доилки.

„Оваа катастрофа не е природна – таа е направена од човекот. Повеќе од една деценија конфликт ја десеткуваше економијата, здравството и инфраструктурата на Јемен. Повеќе од половина од населението се потпира на хуманитарна помош“, додаде Хокинс.

Претходно овој месец, Лекари без граници предупредија дека неухранетоста се зголемува во Јемен и дека потребите ги надминуваат сегашните капацитети.

УНИЦЕФ апелираше за дополнителни 157 милиони долари за 2025 година

Откако ја презеде функцијата на 20 јануари, американскиот претседател Доналд Трамп ги паузираше програмите на УСАИД на 90 дена додека неговата администрација проверува дали тие се во согласност со политиката „Америка на прво место“.