Тинејџер го посетил озлогласениот логор Аушвиц и ја решил мистеријата што го прогонува неговото семејство цели 80 години
Тинејџер од Њујорк, по име Јувал, неодамна го посетил озлогласениот Аушвиц и неочекувано открил мистерија која го прогонува неговото семејство во последните 80 години.
За време на обиколката на изложбата на цртежи на кои се прикажани чувари, оружје и возови во „логорот на смртта“, 17-годишникот забележал едно име и останал запрепастен, пишува „Дејли мејл“.
„Имаше гласини“
Имено, станува збор за цртежите на децата затворени во Аушвиц, а Јувал го видел името на братот на својот дедо, 13-годишниот Фреди Попер. Неговата судбина е мистерија откако беше одведен од неговиот дом во Словачка.
„Имаше гласини за тоа што се случи со Фреди . Сега имаме доказ и семејството конечно ја дозна вистината “, изјави тинејџерот.
Холокаустот неповратно го промени животот на Мајкл Попер, оставајќи празнина каде некогаш стоел неговиот постар брат Фреди.
Teenager visiting Auschwitz solves mystery that has haunted family for 80 years | Daily Mail Online https://t.co/IaLsnQVBsR
— David (@perthwolves1) January 27, 2025
Трагична судбина
На само 10 години, Мајкл бил засолнат во планините, поточно во домот на едно христијанско семејство, додека Фреди бил испратен да живее кај роднините во Будимпешта .
Трагично, тетката и вујкото на Фреди, и двајцата фармацевти, се отруја пред нацистичката инвазија, надевајќи се дека нивната смрт би можела да ги подобри шансите на Фреди да преживее доколку биде откриен.
Додека Мајкл преживеа, мистеријата за судбината на неговиот брат го прогонуваше до неговата смрт во 2020 година.
„Размислував што ќе се случи на патувањето. Не можев да замислам дека ќе ја решам семејната мистерија“, рекол младиот човек.
Фото: Танјуг/АП
Врска со предците
Неговото искуство стана основа на есеј на факултет, каде што тој опиша како стои на гробишта, обземен од чувството за поврзаност со неговите предци.
„Се чувствував како целото мое семејство, генерации и генерации да стои со мене. Навистина посакувам дедо ми да го видел ова и да разговараме “, истакна тој.
Размислувајќи за трагедијата на неговиот пра вујко на толку млада возраст, Јувал рече:
„Би било тажно, но мислам дека тој би бил горд на мене што отидов на ова патување и пронајдов дел од семејната историја“.
