“ТОА БИ БИЛО БОЖЕЌЕН ПОДАРОК ЗА ВЛАДИМИР ПУТИН“ – Володимир Зеленски пристигна во Белата куќа на средба со Џо Бајден: Дали Украина ќе ја добие “ветената“ помош ?

Запирањето на американската помош за Украина би било „божиќен подарок“ за претседателот на Русија, Владимир Путин, предупреди денес претседателот на Соединетите Американски Држави, Џо Бајден, на средбата со неговиот украински колега Володимир Зеленски.

„Ние сме на ваша страна“, посочи Џо Бајден за време на состанокот во „Овалната соба“ во Белата куќа, иако Конгресот допрва треба да ја одобри помошта, на што републиканците досега се спротивставија.

Володимир Зеленски вели дека украинските војници секојдневно покажуваат дека можат да ја победат Русија и додаде дека ја цени американската помош за обележување на украинската воздушна одбрана.

„Киев е доволно силен да победи во војна против Москва“, тврди Володимир Зеленски.

Џо Бајден претходно го повика американскиот Конгрес да одобри дополнителна финансиска помош за Украина пред зимскиот и новогодишниот распуст.

Претседателот на САД најави и дополнителна воена помош за Украина во износ од 200 милиони долари.

Пред средбата во Белата куќа, Володимир Зеленски го посети Конгресот, кој во моментов го блокира продолжувањето на помошта за Украина.