Том Круз повторно заљубен? Актерот фатен со оваа убавица на Денот на вљубените

Холивудската суперѕвезда Том Круз неодамна беше виден во Лондон со многу помладата колешка, кубанско-шпанската актерка Ана де Армас. Нивната средба предизвика бројни гласини.

Том Круз (62) и Ана де Армас (36) се запознале на Денот на вљубените во Лондон, а вечерта ја поминале заедно во познат ресторан. Лежерно разговарале, а присутните гости ги препознале и побарале фотографии, на што и двајцата љубезно се согласиле. По вечерата, излегле со торби со храна и продолжиле со такси.

Оваа средба веднаш покрена шпекулации дали се само пријатели или има нешто повеќе меѓу нив! 

Круз зад себе остави турбулентен љубовен период . Минатата година го поврзуваа со руска манекенка, а потоа и со пејачката Викторија Канал, која ги демантираше гласините за романса. Неговата најпозната врска останува бракот со Кејти Холмс, кој траеше шест години и заврши во 2012 година. Пред тоа тој беше во брак со Никол Кидман и Мими Роџерс, пренесува  Page Six .

Ана де Армас беше во центарот на вниманието и поради врската со Бен Афлек. Нивната романса привлече големо медиумско внимание, а по раскинувањето Афлек и се врати на Џенифер Лопез. Минатата година актерката беше поврзувана со Пол Букадакис, како и со Мануел Анидо Гвест, посинокот на кубанскиот претседател, но ниту една од овие врски не е потврдена.

Ана де Армас на српската публика и е позната од серијата „ Ел Интернадо“ , а Холивуд и донесе уште поголем успех. Таа глумеше во филмот „ Русокоса“ , портретирајќи ја Мерилин Монро, како и во трилерот „ Длабока вода“ со Афлек. Многумина предвидуваат дека нејзината кариера допрва треба да го достигне својот врв.

Останува да видиме дали ќе се потврди новата љубовна приказна со познатиот Круз или се ќе остане шпекулација.