ТОЈ Е ПАЛЕСТИНСКИОТ ОСАМА БИН ЛАДЕН – Израел започна досега не виден лов по човекот кој е одговорен за масакарот: “Тој е водач на Хамас!“

Од саботата, израелските војници го „ловат“ командантот на Хамас, кој тие го опишуваат како палестинскиот Осама бин Ладен. Ветуваат дека ќе го најдат каде и да се крие и му посочуваат дека деновите му се одбројани, пишува Daily Mail.

Јахја Синвар (60 г.) моментално е прв човек на Хамас во Појасот Газа.

Израел го апсеше неколку пати, а тој помина 24 години во израелските затвори. Тој беше ослободен во 2011 година како дел од размена на затвореници во замена за израелскиот војник Гилад Шалит.

Токму Јахја Синвар се смета за одговорен за убиството на 1.300 Израелци во нападот на 7. октомври.

„Јахја Синвар е лицето на злото. Тој е мозокот зад ова, исто како што беше Осама бин Ладен. Тој ја изгради својата кариера на убивање Палестинци кога сфати дека тие се соработници. Така тој стана познат како касапот на Кан Јунис“, изјави портпаролот на израелските одбранбени сили Ричард Хехт.

Ричард Хехт вели дека израелските војници нема да мируваат додека Јахја Синвар не биде пронајден и убиен.

„Ќе дојдеме до тој човек и целиот негов тим“, нагласи Ричард Хехт.

Јахја Синвар беше прогласен за терорист и од САД во 2015 година.

Главниот портпарол на ИДФ вети дека е започната потера по Јахја Синвар, каков што не е забележан во историјата на Израел. 

„Тој е мртов човек“, вели тој.

Јахја Синвар е водач на Хамас во Појасот Газа, втор по команда на целиот Хамас и еден од основачите на военото крило на Хамас. Јахја Синвар е мозокот на бруталните масакри на Хамас во градовите и заедниците во јужен Израел и на музичкиот фестивал „Супернова“ на 7. октомври, според официјалната веб-страница на израелската Армија, каде што е наведена целата биографија на Јахја Синвар.