“ТОЈ МЕ ХРАНЕШЕ СО ЧОКОЛАДО ДОДЕКА…“ – Тајната љубовничка на Жозе Мурињо проговори и откри се: “Ме привлече со својата ароганција!“

Португалскиот стратег задолжен за клупата на Рома, Жозе Мурињо често ја споменува својата сопруга Матилда Фариа со која е во брак од 1989 година. Жозе Мурињо ја запознал сопругата во средно училиште. Живееле на иста улица и набрзо се заљубиле а подоцна се венчале.

Матилда Фариа е со него од самиот почеток на неговото успешно тренерско патување, кое започна како помошник тренер во локалниот клуб Естрела. Жозе Мурињо потоа му се придружил на Боби Робсон во Спортинг каде прво работел како преведувач, а потоа како асистент.

По неговото искуство во Португалија, Жозе Мурињо замина во Барселона за да ја добие тренерската лиценца и соработуваше со Луис ван Гал за да ја преземе Бенфика во 2000 година и да започне сопствено тренерско патување. Потоа се пресели во Леирија која ја водеше до четвртото место во португалската лига, а со Порто за две години го освои Купот на УЕФА и Лигата на шампионите.

Иако неговата сопруга цело време го поддржувала, се чини дека не било сè идилично. Додека работел во Леирија, Жозе Мурињо ја запознал Елса Соуса, во која наводно толку многу се заљубил што на играчите и колегите им ја претставил како сопруга, а гласините велат дека токму Елса Соуса го турнал кон Порто кога бирал помеѓу Порто и Бенфика.

Станот кој бил наменет за семејството на Мурињо, тој наводно му го изнајмил на својата љубовница. Елса Соуса имала своја модна продавница, а неодамна раскажала јавно како се забавувала со Жозе Мурињо.

„Секогаш велеше: ‘Јас сум Мурињо, јас сум Специјалниот, јас сум Бог’. Ми се допадна неговата ароганција. Тоа ми го привлече вниманието. Неговата самодоверба беше многу привлечна. Сакаше да ме храни со чоколадни колачиња, а додека водевме љубов и додека ме задоволуваше, го свиреше хитот на Брајан Адамс – ‘Everything I Do, I Do It for You‘“, открила Елса Соуса.

Жозе Мурињо ја уверувал својата љубовничка дека ќе се разведе од сопругата, но тоа никогаш не се случило.

„Не носеше бурма и немав причина да се сомневам во тоа што ми го кажува. Ми кажа дека ќе се разведе од сопругата затоа што не е задоволен со неа. Бев сигурна дека ја кажува вистината“, раскажала неодамна неговата љубовница.

Жозе Мурињо тогаш живеел во близина на стадионот, а неговата сопруга Матилда Фариа и децата биле на 500 километри од Лисабон. По некое време, Елса Соуса му дала ултиматум на Жозе Мурињо да избере помеѓу неа или неговата сопруга, а тој ја избрал средношколската љубов. Матилда по неколку години дознала за аферата и му простила, но изгледа дека аферите не завршиле таму.

Повторно во 2019 година, Жозе Мурињо беше снимен како се релаксира на плажа во друштво на 41-годишната Пру Картер-Робинсон, која со години го придружува на патувања во егзотични земји, наводно од 2010 година.