ТРАГЕДИЈА – Младо момче го загубило животот откако удрило гром во него на познато одмаралиште во Грција: “Го предупредивме да излезе од водата но…“

Млад турист од Велика Британија загинал кога гром го удрил во морето во близина на грчкиот остров Родос.

Според локалните медиуми, 26-годишното момче претходно ги игнорирал советите на другите капачи да излезе од водата. Засега не се знае точно дали пливал или веслал за време на невремето со грмотевици.

Смртните случаи предизвикани од гром се ретки, иако одредени фактори можат да ги зголемат шансите некој да биде удрен. Водата спроведува струја, а молњите често удираат во вода отколку на копно, поради што не се препорачува пливање за време на грмотевици.

Младиот човек претходниот ден околу 14 часот во близина на плажата „Агија Агати“ бил погоден од гром во морето.

Екипата на итната помош пристигнала на местото на несреќата, по што младиот човек бил префрлен во здравствениот дом, но и покрај напорите на докторите набрзо починал.

Очевидец ги опишал деталите за трагедијата на Родос за грчките медиуми.

„Кога му пријдов, тој беше потопен со лицето надолу, а на лицето имаше видливи траги од изгореници. Веднаш сфатив дека секоја секунда е пресудна и почнав да го влечам на брегот. Бев загрижен да не ми се случи истото бидејќи се уште врнеше“, изјавил Вандер Мачадо (47 г.) од Бразил, кој бил таму на одмор.

Смртните случаи предизвикани од удари на гром се релативно ретки, меѓутоа, такви инциденти навистина се случуваат и треба да се внимава при екстремни временски настани како што се грмотевици.

Помеѓу 2010 и 2019 година, според научна студија, имало вкупно 23 смртни случаи предизвикани од удари од гром во Грција. Студијата, исто така, забележа дека 91 отсто од сите смртни случаи се случиле помеѓу мај и септември.