Трамп го одби предлогот за мир на Путин! Поранешниот американски претседател испрати јасна потака до Москва во врска со Украина: Нема крај на крвопролевањето
Американскиот претседателски кандидат Доналд Трамп го отфрли мировниот предлог за прекин на конфликтот во Украина што го претстави рускиот лидер Владимир Путин!
За време на првата дебата со неговиот главен ривал и актуелен претседател на САД, Џо Бајден, Трамп изјави дека не се прифатливи условите што ги претстави рускиот лидер за завршување на војната во Украина.
Дејна Баш од Си-Ен-Ен побара од Трамп за време на дебатата да го коментира предлогот на Путин. Трамп се обиде да избегне одговор, но новинарот беше упорен.
– Дали ви се прифатливи условите на Путин – праша повторно Баш.
– Не. Тие не се прифатливи – одговори Трамп.
Путин неодамна изјави дека ќе нареди прекин на огнот во Украина само доколку Киев ги повлече трупите од четирите региони анектирани од Москва и официјално се откаже од обидот да стане членка на НАТО.
Трамп за време на дебатата повтори дека ќе стави крај на војната во Украина доколку биде реизбран за претседател во ноември, но повторно не даде детали како планира да го стори тоа.
Поранешниот американски претседател по дебатата ја зголеми предноста пред актуелниот шеф на државата Бајден, а многумина сметаат дека изборната трка е практично решена.
