Трамп итно реагираше: „Го замолив Маск да ги врати што е можно поскоро“
Американскиот претседател Доналд Трамп објави дека побарал од извршниот директор на Tesla и X, Илон Маск и неговата компанија „SpaceX“ што е можно поскоро да вратат двајца астронаути на НАСА од Меѓународната вселенска станица (ISS).
„Побарав од Илон Маск и „SpaceX“ да донесат двајца храбри астронаути кои беа практично напуштени во вселената од администрацијата на (поранешниот американски претседател Џозеф) Бајден. Илон наскоро ќе биде на пат. Се надевам дека сè ќе биде безбедно. Среќно“, Трамп напиша на социјалната мрежа Truth Social, пренесе Ројтерс.
Маск потврди дека Трамп побарал од него да ги врати астронаутите „што е можно поскоро“.
Неговото барање Маск да го забрза враќањето на астронаутите на НАСА, Буч Вилмор и Сани Вилијамс, кои требаше да се вратат во капсулата SpaceX од август, е невообичаена интервенција на американскиот претседател кога станува збор за операциите на НАСА, посочува агенцијата.
Вилмор и Вилијамс минатото лето полетаа со вселенскиот брод Боинг Старлајнер до ISS, но наместо планираните осум дена, нивната мисија беше продолжена на речиси една година поради проблеми со системот на леталото.
Во август, НАСА оцени дека Starliner е премногу ризичен за да ги врати астронаутите на Земјата и побара од SpaceX да ги врати. Вилијамс и Вилмор моментално се на ISS и спроведуваат научни истражувања. НАСА соопшти дека тие се во добра здравствена состојба.
Засега не се познати сите детали за тоа кога точно ќе се вратат астронаутите.
