Трамп номиниран за Нобелова награда за мир

Член на американскиот Конгрес го номинираше претседателот Доналд Трамп за Нобелова награда за мир, откако тој посредуваше во постигнувањето договор за прекин на огнот меѓу Израел и Иран, објави „Фокс њуз“.

Конгресменот Бади Картер од Џорџија му пиша на Нобеловиот комитет дека Трамп одиграл „извонредна и историска улога“ во завршувањето на „вооружениот конфликт меѓу Израел и Иран и спречувањето на најголемиот спонзор на тероризам во светот да се здобие со најсмртоносното оружје на планетата“.

Трамп прогласи крај на „Дванаесетдневната војна“ пред два дена, а прекинот на огнот стапи на сила следниот ден.

Со ова се заврши спорот што траеше нешто повеќе од една недела, откако Израел првпат започна напад врз Иран, тврдејќи дека Техеран е опасно блиску до стекнување нуклеарно оружје.