Трамп: Сакам да се сретнам со Путин што е можно поскоро
Американскиот претседател Доналд Трамп зборуваше за мировните преговори меѓу Украина и Русија.
Иако украинско-руските делегации ќе се сретнат денес во Истанбул, американскиот шеф на државата не очекува некои поголеми достигнувања.
„Време е да се заврши ова прашање. Ќе го затвориме ова“, рече 78-годишникот, пишува Skynews .
Тој додаде дека сака што поскоро да одржи средба со рускиот претседател Владимир Путин – штом ќе постигнат договор за средбата.
Трамп денес повтори дека не е изненаден што рускиот диктатор не дошол на состанокот што САД се обидоа да го организираат во Турција меѓу украинската и руската делегација.
„Путин не сакаше да дојде затоа што јас не бев таму“, изјави американскиот лидер, кој еден ден претходно рече дека значителен напредок во разговорите не е можен сè додека тој и Путин не се сретнат лично.
Инаку, американскиот претседател е на последниот ден од посетата на Блискиот Исток и денес зборуваше на настан на Советот за економска соработка во Обединетите Арапски Емирати.
Trump:
— Clash Report (@clashreport) May 16, 2025
We’ll see what happens with Russia and Ukraine.
Now it’s time to go back home.
