Треба да ги избегнувате овие намирници за да го намалите ризикот од рак

Бројот на малигни заболувања е во пораст, па затоа треба да се преземе се што може да спречи појава или развој на рак. Потребно е само промена на одредени животни навики за да се намали ризикот од рак на минимум.

Јадењето храна без хранлива вредност е еден од главните фактори на ризик за добивање на рак. Сепак, дали знаевте дека дури и некои намирници за кои мислиме дека се здрави и безопасни исто така можат да бидат канцерогени.

Имено, одредени состојки кои се наоѓаат во речиси сите пакувани намирници можат да бидат канцерогени и да претставуваат сериозен ризик.

Студијата на Оксфорд ги спореди ризиците од развој на рак кај луѓето кои консумирале нитрати и нитрити и оние кои не консумирале. Резултатите покажаа дека редовното консумирање производи кои содржат нитрати го зголемуваат ризикот од рак на дојка за приближно 25 проценти. Покрај тоа, конзумирањето на големи количини на храна која содржи нитрити го зголемува ризикот од рак на простата за речиси 60 проценти.

Високо обработена храна

Високо преработената храна често вклучува конзерванси, хемикалии и прекумерни количини шеќер и нездрави масти кои промовираат зголемување на телесната тежина и дебелина. Овие елементи можат да го влошат воспалението и оксидативниот стрес, кои се поврзани со развојот на рак, заедно со недостаток на витални хранливи материи.

Месни производи

Месото конзервирано со пушење, стврднување, солење или месо кое содржи хемиски конзерванси е поврзано со зголемен ризик од рак на дебелото црево. Поголемиот дел од ова месо се произведува со канцерогена состојка позната како натриум фосфат која се користи за да се даде на пакуваното месо светло црвена боја за да изгледа свежо. Овие производи вклучуваат колбаси, виршли, пакувана шунка, колбаси, салами и сите видови црвено месо што се користат во замрзнатите оброци.

Вештачки засладувачи

Повеќето вештачки засладувачи се произведуваат хемиски. Некои студии сугерираат дека вештачките засладувачи предизвикуваат таложење токсини во телото и потенцијално предизвикуваат тумори на мозокот.

Пржена храна

Секојдневното консумирање пржена храна го зголемува и ризикот од рак. Ако минатата недела сте јаделе месо на скара, тоа нема да ви предизвика рак. Станува збор за постојано консумирање, затоа потрудете се да јадете сè умерено.