Три месеци по разводот, Ана Ивановиќ донесе одлука што ги изненади сите

Поранешната тениска ѕвезда и претприемачка Ана Ивановиќ донесе одлука да го затвори својот бренд за козметика, само три месеци по разводот.

Како што беше најавено, брендот Ана Ивановиќ ќе биде повлечен од продажба, а од ноември 2025 година, производите повеќе нема да бидат достапни онлајн .

Иако се очекуваше дека Ана ќе продолжи да го развива својот бизнис во областа на природната козметика, ненадејната одлука за затворање на брендот изненади многу нејзини обожаватели и корисници на производите.

Козметиката „Ана Ивановиќ“ е лансирана со идеја за негување на природната убавина и здравјето на кожата, а брендот привлече значително внимание на домашниот и странскиот пазар. Сепак, се чини дека Ана во моментов избира помирно темпо на живот и се повлекува од деловната сфера.

„Време е да се збогуваме!  Понекогаш збогувањето значи и правење место за нешто ново. Нашето заедничко патување со Ана Ивановиќ Натурал Перформанс се ближи кон крајот. Ја затвораме нашата онлајн продавница во ноември. Ви благодариме од срце за вашата лојалност и страст кон едноставна високо-ефикасна козметика“, напиша Ана Ивановиќ на официјалната страница на брендот.

Поранешниот фудбалер Бастијан Швајнштајгер официјално се разведе од српската тенисерка Ана Ивановиќ . Веста за тоа одекна како бомба во сите медиуми.

Иако долго време се шпекулираше што се случило, Швајнштајгер набрзо престана да се крие, па неговите фотографии со неговата љубовница брзо го обиколија светот .

Наводно, тој сега е заљубен во Бугарката Силва, а пред тоа се шпекулираше дека бил и со Естер Седлачек , водителка и спортска новинарка со која соработувал.