Три порции моркови неделно: Како толку малку зеленчук може да направи толку големи промени
Јадењето три порции бебешки моркови неделно може да обезбеди значителен поттик во важните хранливи материи кои се наоѓаат во зеленчукот, според новата студија претставена на годишниот состанок на Американското здружение за исхрана.
Посебни истражувања во 2015 и 2019 година покажаа дека само околу 1 од 10 возрасни Американци јаделе препорачани 2 до 3 чаши зеленчук дневно. Таа статистика ја инспирираше водечката авторка на студијата Мери Харпер Симонс и нејзините колеги да истражат едноставно решение што би можело да го зголеми неделниот внес на зеленчук кај една личност, според Си-Ен-Ен .
„Морковите за бебиња се земаат и одиш понатаму, тие се одлични со нешта како хумусот – дури сум видела луѓе кои ги потопуваат во путер од кикирики“, рече Симонс, експерт исхрана на Универзитетот Семфорд во Алабама.
Во студијата, една порција бебешки моркови исечкани на помали парчиња вклучува осум до 12 парчиња, што е еквивалент на 100 грама или половина чаша, додаде Симонс.
Студијата опфатила 60 млади возрасни на кои им било доделено да јадат порции моркови три пати неделно, потоа група која не јадела моркови и наместо тоа земала мултивитамински додаток, потоа консумирала комбинација од моркови и мултивитамини, или без моркови или суплементи како контролна група.
По четири недели, истражувачите откриле дека оние кои јаделе моркови имале 10,8 отсто зголемување на каротеноидите во нивната кожа, природни антиоксиданси за кои е откриено дека имаат бројни здравствени придобивки, како што се спречување на воспаление и промовирање на здравјето на срцето.
Покрај тоа, истражувачите откриле дека оние кои земале само мултивитамини (кои го содржат истиот каротеноид што се наоѓа во морковот) не забележале никакви промени во нивото на каротеноиди. Сепак, најмногу корист имале оние кои консумирале моркови и суплементи и ги зголемиле каротеноидите на кожата за 21,6 отсто.
„Луѓето би можеле да помислат: „Еј, јас земам мултивитамински додаток, (тоа би требало да биде доволно)“, но само тоа не ја зголеми акумулацијата на каротеноиди, вели таа.
Високиот внес на зеленчук е поврзан со секакви позитивни ефекти врз здравјето – ризикот од сите видови хронични болести се намалува со зголемената потрошувачка на овошје и зеленчук. Јадењето зеленчук може да заштити од срцеви заболувања, некои видови на рак, дијабетес и дебелина.
Морковите и другите портокалови и црвени зеленчуци како тиквичките и слаткиот компир се единствени по тоа што се богати со бета-каротин, каротеноид кој телото го претвора во витамин А. Темниот лиснат зеленчук, како што се спанаќот и кељот, исто така се богати со бета- каротин.
Витаминот А е важен за одржување на здравјето на срцето, белите дробови и другите органи, како и поддршка на различни функции на телото, според Националниот институт за здравје. Недостатокот на витамин А не е вообичаен во САД, но луѓето сепак треба да јадат овошје и зеленчук за да ги искористат придобивките од природно нискокалорична храна богата со влакна.
