Турбулентниот живот на познатиот креатор: Роберто Кавали на 82 години стана татко по шести пат

Љубителите на модата останаа шокирани од веста дека почина Роберто Кавали. Познатиот креатор имаше големо семејство, а минатата година стана татко по шести пат.

Денеска почина италијанскиот моден дизајнер Роберто Кавали  , а минатата година го доби шестото дете, откако се породи неговата сопруга која има 37 години.

Кавали, кој веќе има пет деца од претходните два брака, а шестото дете го доби со сопругата Сандра Нилсон, поранешна шведска манекенка на Плејбој, која е 45 години помлада од него.

За време на интервју за италијанското списание „Новела 2000“, модниот дизајнер зборуваше за сопругата и детето.

– Сандра е добро, бебето кое се роди токму овде во Фиренца е прекрасно и беше навистина емотивно да ја видам веднаш по раѓањето.

Роберто Кавали тогаш откри дека го избрале името Џорџо за нивниот син, во спомен на неговиот татко, кој нацистите го убиле на крајот на Втората светска војна.

– Неговото име е Ѓорѓо, како неговиот дедо, татко ми… кој беше застрелан од нацистите во масакрот во Каврија кога имав четири години – рекол тогаш познатиот дизајнер.

Роберто имаше две деца, Томазо и Кристина, со својата прва сопруга Силванела Џанони, со која се ожени во 1964 година, а парот беше во брак десет години.

После тоа, креаторот повторно се оженил во 1980 година, а негова втора сопруга е австриската модна дизајнерка Ева Марија Тинер. Во бракот со креаторот, тој имаше три деца, Роберт, Рахел и Даниела. Двојката се разведе во 2010 година, а Роберто започна врска со манекенката Сандра Нилсон во 2014 година.