Турскиот производител на беспилотни летала ја отвори вратата за нов извоз во одбраната
Туркије со Саудиска Арабија склучи нови договори по најголемиот договор за извоз од областа на одбраната и аеровселенскиот сектор во историјата на земјата, потпишан од турскиот производител на беспилотни летала (UAV) Бајкар.
Успехот во извозотостварен од беспилотните летала од турската одбранбена индустрија носи нови можности.
Неодамна Бајкар потпиша договор за извоз и соработка со Министерството за одбрана на Саудиска Арабија за беспилотното борбено летало Бајрактар Акинџи. Договорот е забележан како најголем договор за извоз од областа на одбраната и аеровселенскиот сектор во историјата на Република Туркије.
По договорот, во Ријад се одржа церемонија на потпишување на Договорот за индигенизација на производството на беспилотни летала, чиј домаќин беше Министерството за одбрана на Саудиска Арабија.
За време на церемонијата, турските одбранбени компании Бајкар, Аселсан и Рокетсан потпишаа нови договори со саудиски компании.
Бајкар потпиша меморандуми за разбирање (МоУ) со државната воена индустрија на Саудиска Арабија (SAMI) за локално производство и трансфер на технологија, а Аселсан и Рокетсан потпишаа меморандуми за разбирање со Саудиската национална компанија за механички системи.
Договорите беа потпишани од извршниот директор на Бајкар, Халук Бајрактар, извршниот директор на Аселсан, Ахмет Акјол, и генералниот директор на Рокетсан, Мурат Икинџи, на церемонијата на која присуствуваше Халук Ѓоргун, претседател на Турската агенција за одбранбена индустрија.
Во својот говор на церемонијата, Бајрактар рече дека тие се заедно за да прослават возбудлив момент и да бидат сведоци на новото поглавје што ја зајакнува соработката меѓу двете земји.
Нагласувајќи дека земјите што имплементираат нови технологии не само што добиваат предности туку и градат посилни врски со своите сојузници, тој рече: „Споделивме и ќе продолжиме да споделуваме иновативни технологии, вклучително и Бајрактар Акинџи“.
„Развојот на високотехнолошка платформа, како што е Бајрактар Акинџи, несомнено е непроценлив.“
Тој додаде дека Бајрактар Акинџи не е обично оружје или авион, туку летачки паметен робот опремен со десетици компјутери, десетици илјади линии на код и вештачка интелигенција.
Обврзувајќи се во името на Бајкар да соработува на најефикасен начин за непречено спроведување на проектот и обезбедување услуги по продажбата, Бајрактар рече дека тие, исто така, ги координираат неопходните чекори со саудиските институции, регулаторите и локалната индустрија.
Истакнувајќи дека овој проект не е само деловна можност за Бајкар туку и столб на ветувачки можности во согласност со интересите на земјата, Бајрактар рече дека се подготвени за продолжување на проектот.
„Бајкар е свесен за големината на проектот и ги мобилизира сите свои способности за да обезбеди успешна приказна што навестува многугодишна стратегиска соработка“, рече тој, додавајќи дека тие имаат цел да обезбедат дека саудиските крајни корисници се запознаени со концептот на Бајрактар Акинџи и дека целата флота Бајрактар се користи ефективно, со повеќе можности за трансфер
