Уапсени членови на српската криминална група која дивееше низ Европа: Еве што е пронајдено во нивните станови

Припадници на српскотп МВР, Управата за борба против организиран криминал, во соработка со Јавното обвинителство за организиран криминал, уапсија членови на организирана криминална група од Прибој, Ужице, Ковино, Шабац и Белград поради постоење за основи на сомнение дека сториле кривични дела здружување заради сторени кривични дела и фалсификување исправи.

Тие се осомничени дека од јуни 2022 година до денес во нелегални печатници изработувале фалсификувани лични документи на земјите од Европската унија, како и возачки дозволи на Јужноафриканската Република и ги продавале по цена од 1.200 до 2.500 евра при што прибавиле противправна парична корист во износ од повеќе од милион и пол динари.

При претрес на станови и други простории кои ги користеле членовите на оваа организирана криминална група, полицијата пронашла повеќе парчиња фалсификувани лични документи, дипломи, потврди, како и нелегална печатница за изработка на фалсификувани документи.

На осомничените им е одредена мерка притвор до 48 часа, по што со кривична пријава ќе бидат изведени во надлежното обвинителство.