Уапсен 22-годишен скопјанец, превезувал петмина мигранти од Сирија
На регионалниот пат Демир Капија-Неготино денеска околу 5 часот полицијата уапсила 22-годишен скопјанец, кој превезувал петмина мигранти од Сирија.
Во акцијата, како што информираат од МВР, учествувале полициски службеници од РЦГР Југ- ПС за ГП и ГН Богородица и ПС за ГН Михајлово.
– М.А.(22) од Скопје не застанал на даден знак од полициски службеници, но по преземени мерки и активности, возилото „пежо“ е запрено, а М.А. лишен од слобода, се вели во соопштението од МВР.
По целосно документирање на случајот, против М.А. ќе биде поднесена кривична пројава до надлежното обвинителство.
