Уапсен 29-годишен маж, му се заканувал на градоначалникот на општина Кавадарци

Кавадарчанец синоќа е приведен откако на интернет му се заканувал на градоначалникот на општина Кавадарци, Митко Јанчев и неговото семејство.

Полицијата постапила по претходна пријава.

„Синоќа во 00:05 часот полициски службеници од СВР Кавадарци го приведоа С.М.(29) од Кавадарци постапувајќи по претходна пријава дека подолго време на социјалните мрежи му се заканувал на М.Ј.(43) од Кавадарци.

„С.М. е приведен во полициска станица, известен е јавен обвинител, а по документирање на настанот против него ќе биде поднесена соодветна пријава“, јавува МИА од Велес.

А во мај се дозна дека Јанчев добил смртни закани од 35-годишен Кавадарчанец. Инцидентот се случил во ресторан.

Лицето, како што соопшти МВР, е приведено во полициска станица, додека по целосно документирање на случајот, против него е поднесена соодветна пријава.