Убава актерка забременила откако била силувана од непознат маж: Не сакала да абортира, а со години ја криела вистината од својот син дека му е мајка (фото)

Клаудија Кардинале, една од најубавите жени што некогаш го красиле екранот, беше голема ѕвезда во шеесеттите и седумдесеттите години, освојувајќи ги срцата на публиката и во Италија и во Холивуд.

Родена е на 15 април 1938 година во Тунис, во семејство со италијанско потекло. Во младоста студирала за наставничка, но судбината имала други планови.

Како 18-годишна девојка, Клаудија беше прогласена за „најубавата Италијанка во Тунис“, иако самата не се пријавила на натпреварот – едноставно била забележана во толпата. Како награда, добила патување на Филмскиот фестивал во Венеција, што претставувало нејзин влез во светот на гламурот.

Храбра поза што промени сè
На фестивалот во Венеција, младата Клаудија позираше во зелено бикини, што предизвика ентузијазам кај модните фотографи, продуценти и режисери. Сепак, под насмевката се криеше длабока рана.

Траума зад завесите
Во тоа време таа носеше голема тајна – беше силувана од непознат Французин и забременила. И покрај советите да ја скрие бременоста, таа одлучи да роди дете. Нејзиниот ментор Френк Кристалди ја испрати во Лондон кога бременоста стана видлива. Таму роди син, Патрик, кој веруваше дека Клаудија му е сестра сè до неговата осумгодишна возраст.

Кариерата под контрола
на Кристалди стана централна фигура во нејзиниот живот – деловен и приватен. Тој ја управуваше нејзината кариера, го посвои нејзиниот син, а подоцна се ожени со Клаудија. Иако бракот изгледаше хармоничен, тие се разделија во 1975 година кога Клаудија се заљуби во режисерот Паскал Сквитиери, со кого остана до неговата смрт во 2017 година. Со него ја доби ќерката Клаудија.

Иконата со кардиналски став имаше извонредна актерска кариера што траеше децении, сè до 2010 година кога одлучи да забави. Дури и во подоцнежните години, таа остана верна на себе – никогаш не се појави гола на филм, ниту пак користеше естетска хирургија.

Автентичност без компромис
Во 2017 година, таа беше лице на Канскиот филмски фестивал и во таа пригода изјави:
„Не ги разубавив моите години, ниту направив нешто за борба против брчките. Им се извинувам на многумина за тоа.“
Дури и денес, во деветтата деценија од животот, таа вели дека живее „радосно, слободно и смело“ – исто како што отсекогаш била.