Ужасно! Се самоуби синот на боксерската легенда! Скршениот татко ја објави потресната вест на социјалните мрежи

Легендарниот боксер Рој Џонс Џуниор ја објави тажната вест за смртта на неговиот син ДеАндре, за која се наведува дека е самоубиство.

Џонс Јуниор, кој има 55 години, во понеделникот на социјалните мрежи ја објави трагичната вест.

За жал, мојот син ДеАндре си го одзеде животот во саботата“, напиша Џонс.

– Многу сум благодарен што Господ ми дозволи во петок навечер да се вратам дома и да ја поминам последната ноќ од неговиот живот со него и неговото семејство. Знам дека многу луѓе минуваат низ тешки времиња во моментов, но ништо не вреди да си го одземеш животот. Господ го дава и Бог треба да го земе – нагласи тој.

Џонс ги замоли фановите да ја почитуваат приватноста на семејството.

Да потсетиме, Рој Џонс Јуниор е американски боксер кој важи за еден од најголемите борци на сите времиња. Роден на Флорида во 1969 година, Џонс ја започна својата професионална кариера во 1989 година и брзо се здоби со репутација на исклучително талентиран боксер. Рој Џонс Јуниор го постигна најголемиот успех освојувајќи шампионски појаси во четири тежински категории: средна, суперсредна, полутешка и тешка категорија.