УЗБУНА НА БАЛТИКОТ: Земјите од НАТО заедно градат моќна одбранбена линија на границата со Русија и Белорусија! ГРАДАТ 600 БУНКЕРИ
Трите балтички држави се договорија да изградат серија бункери на границите со Русија и Белорусија за да се одбранат од можен напад!
Информацијата ја соопшти Министерството за одбрана на Естонија и додаде дека е постигнат договор со Литванија и Латвија. Три членки на НАТО и ЕУ потпишаа договор за изградба на „одбранбени инсталации“ во наредните години.
– Балтичките земји се една област на операции и затоа одбранбените инсталации ќе се градат во координација со Латвија и Литванија – се наведува во соопштението на Министерството за одбрана на Естонија.
Естонскиот министер за одбрана Хано Певкур рече дека руската инвазија на Украина ја покажува потребата од „физички одбранбени инсталации“ на границата.
Министерството проценува дека само Естонија ќе изгради околу 600 бетонски бункери во вредност од 60 милиони евра на својата страна од границата со Русија, според естонскиот дневен весник Postimes.
Скиците обезбедени од Министерството за одбрана покажуваат дека правоаголниот бункер е вграден во ров во форма на Т и камуфлиран со зеленило. Министерството најави дека ќе соработува со локалните заедници и ќе бара договори од сопствениците на земјиштето во процесот на изградба.
Најавата доаѓа откако високи команданти на НАТО предупредија дека во блиска иднина би можела да избие сеопфатна војна со Русија , а германските власти шпекулираат дека таков конфликт би можел да се појави веќе пет години од сега.
