Украина нападна воен конвој во Русија: Невидена рација, беспилотни летала разнесоа 14 камиони, артилерија 5 часа гаѓаше кон конвојот?! (ВИДЕО)

Украина употреби беспилотни летала и артилерија за да разнесе колона руски воени камиони недалеку од границата во областа Курск!

Воениот телеграмски канал DeepState наведува дека конвојот бил нападнат од припадници на 53-та механизирана бригада и 103-та бригада за територијална одбрана во близина на селото Свердликово во руската Курска област.

На видеото се гледа конвој од 14 руски воени камиони кои се движат по патот на околу три километри од границата на регионите Суми и Курск. Првиот дрон удрил во еден од камионите на чело на колоната, по што останатите возила неуспешно побарале засолниште во блиската шума.

– Штета што немаше важна опрема – наведува DeepState.

Руските воени блогери потврдија дека снимката од нападот на конвојот е автентична и изјавија дека на почетокот е направена голема грешка.

– Ова е едноставно илустрација на здравиот разум на командантите и на сите други кои се согласиле на вакво нешто – вели воениот експерт Роман Алехин и додава дека големата грешка била што воените возила се приближиле едно до друго.

Алехин наведува и дека по нападот со дронот и Украина го бомбардирала конвојот со артилериски оган.

– Гвоздика работеше околу 5 часа покрај конвојот. Исто така, можно е минимално да користеле С-200 или С-300 – вели Алехин.

Засега не се знае дали има жртви на руска страна.

Вооружените сили на Украина, да потсетиме, неодамна почнаа да пресретнуваат руски извидувачки беспилотни летала со помош на беспилотни летала FPV.