УКРАИНА НАЈАВИ РАЗОРНИ НАПАДИ НА КРИМ: Се чекаат американски балистички ракети со дострел до 300 километри!

Во последните денови зачестија силните украински напади на Крим, полуостров кој е под руска контрола од 2104 година. Иако нападите на оваа точка – која се смета и за крајна цел на украинската контраофанзива, не се нови, за првпат сериозно ја оштетија руската црноморска флота и нејзината клучна точка – бродоградилиштето во Севастопол.

Поради оваа голема победа, повторно стана возможен пресвртот на настаните во војната, кој до пред некој ден беше незамислив.

Имено, последниот во низата напади се случи во четвртокот наутро. Се започна со напад на три беспилотни пловила на бродови кои патролираат пред Севастопол.

Ukrainian pilots firing 10 cruise missiles at Sevastopol naval facilities overnight inflicted “the worst air strike on [Russia’s] Black Sea Fleet since the Second World War”: Kyiv Post

🔥 “Flew into the teeth of… some of the best-defended in all the territory Russia controls,… pic.twitter.com/d8qDnjTRxE

— 🇺🇦Ukraine Resists Russian Genocide… Yeah Again (@ArmedMaidan) September 13, 2023

Кога станува збор за резултатот од првиот удар, информациите се спротивставени. Руската страна тврди дека ги уништила сите три украински брода, додека Киев тврди дека еден брод го погодил патролниот брод КС-701 Тунец и го уништил.

Исто така, украинските сили тврдат дека со напад со дрон го уништиле рускиот систем за противвоздушна одбрана кај градот Евпаторија. Според Киев, лансирани се најмалку 11 нападни беспилотни летала и уништен е голем дел од областа.

Претходниот напад беше уште поразорен

Само еден ден претходно Украина изврши уште посилен напад на Крим, во кој беа повредени најмалку 24 лица. Целта беше клучната точка на Русија на полуостровот – бродоградилиштето Севастопол. Во истиот напад беа оштетени и два брода на моќната руска Црноморска флота.

Подморницата Ростов на Дон и големиот амфибиски јуришен брод Минск беа погодени со крстосувачки ракети. Сателитските снимки, како и снимките од нападот и големиот пожар што следеше, покажуваат дека двата брода биле трајно онеспособени. Од силината на експлозијата, бродот Минск се лизна од блоковите. На двата пловила се видливи траги од огромни пожари.

Дополнително, овој напад претставува победа на Украина и од друга причина – Русија призна дека е поразена и дека одбраната на нејзиното најважно упориште на Крим е пробиена.

Имено, Михаил Развозаев, прорускиот гувернер на Севастопол, најголемиот град на Крим и главното пристаниште на Црното Море, во објава на Телеграм изјави дека најмалку 24 лица се повредени.

Развозајев објави и фотографија на која се гледа како гори пристанишната инфраструктура на најважното бродоградилиште на полуостровот. Руските новински канали на Телеграм, исто така, покажаа видеа и фотографии од разгорувањето на море.

Треба да се напомене дека стратешкото бродоградилиште на полуостровот, кое Русија го анектираше во 2014 година, гради и поправа бродови и подморници за руската Црноморска флота, која изврши бројни напади со беспилотни летала и крстосувачки ракети врз Украина.

Russian authorities confirm the Minsk landing ship and and Rostov-on-Don submarine were “completely destroyed” in last nights attack on the RusNavy base in occupied Sevastopol, Crimea, Ukraine. In addition, the city of Sevastopol devolved into complete chaos last night resulting… pic.twitter.com/EmWWYFGLKv

— OSINT (Uri) 🇺🇦 (@UKikaski) September 13, 2023

Исто така, она што го разликува овој напад од претходните е тоа што Украина отстапи од својата практика да негира учество во напади на руска територија. Имено, Киев речиси никогаш не презема одговорност за напади во Русија или на украински територии контролирани од Русија.

Искористени ракети – порака за Кремљ

Посебна порака претставуваат и ракетите кои беа употребени во овој напад. Ова е првпат крстосувачките ракети кои Украина ги доби од Велика Британија и Франција да бидат употребени за напад на Севастопол.

И тоа е всушност најава за она што допрва би можело да следи.

Имено, шефот на украинската дипломатија Дмитро Кулеба изјави дека наскоро се очекуваат позитивни одлуки за испорака на германските крстосувачки ракети Таурус, како и американските балистички ракети АТАКМС кои имаат исклучителни референци.

ATACMS е балистичка ракета со дострел до 300 километри, а Украинците ја посакуваат откако ги добија првите повеќецевни лансери HIMARS. Затоа, не е чудно што портпаролот на украинската воена разузнавачка служба Андриј Јусов најавува нови напади до целосна демилитаризација на Крим.