УКРАИНА НИКОГАШ поблиску до влез во НАТО?! Се огласи Зеленски – Состанокот е закажан, а ова е ДАТУМОТ кога се ќе се знае

Литванија ја покани Украина да стане членка на НАТО на самитот на воената алијанса што ќе се одржи во јули во Вилнус.

Украинскиот претседател Володимир Зеленски изјави во саботата дека сè уште ја гледа неговата земја на патот кон пристапување во НАТО , и покрај тоа што руската војна не покажува знаци на смирување по 13 месеци конфликт. „Оваа недела видовме добра насока на „придвижување кон НАТО“, преку нова воена помош од Запад и други изрази на меѓународна поддршка“, рече Зеленски во својата дневна видео порака.

Зеленски се осврна на предлогот на Литванија да ја покани Украина да стане членка на НАТО на самитот на воената алијанса што ќе се одржи во Вилнус во јули, а потоа и се заблагодари на таа земја . Парламентот на оваа балтичка земја одлучи оваа недела да побара Украина да биде поканета да се приклучи на Алијансата на самитот закажан за 11-12 јули. Аспирациите на Украина да се приклучат на НАТО често се наведува од Кремљ како една од причините за руската инвазија минатиот февруари .

Минатата година Зеленски се залагаше за „брз“ пристап во НАТО, надевајќи се дека Украина ќе добие повластен третман. САД и другите членки на алијансата, како што е Германија, изразија резервираност за тоа, бидејќи еден од предусловите за влез е невклучување во меѓународни конфликти.

Во својата порака, Зеленски повика на поддршка за земјите кои допрва треба јасно да се дистанцираат од Русија, велејќи дека Украинците се борат за универзални вредности кои се блиски до сите народи. „Сите ја ценат безбедноста и заштитата од терор“, рече Зеленски, додавајќи дека Русија се залага за „концентрациони логори, депортација на деца, силување жени и палење градови“.