Украинците ја обвинија Русија дека смислува пеколен план: Вака ќе го вовлечат Минск во војна под „лажно знаме“

Украинската служба за безбедност денеска ја обвини Русија дека подготвува напад со „лажно знаме“ врз нафтената рафинерија Мозир во Белорусија, со цел да ги обвини украинските диверзанти и да се обиде да го вовлече Минск во војната во Украина.

Според соопштението објавено од Украинската служба за безбедност на Телеграм, нападот би го извршиле воени и разузнавачки сили испратени од Москва во Белорусија, маскирани како членови на Вагнер, кои беа протерани од Русија по организирањето бунт во Русија во јуни оваа година.

– Русија планира да ја обвини Украина за тоа што го направила за уште еднаш да се обиде да го вовлече Минск во целосна војна против нашата земја – се вели во соопштението, но нема докази за овие тврдења, пренесува Ројтерс.

Операција со лажно знаме е име за сите тајни операции и слични активности како што се вооружени и терористички напади, атентати или саботажи преземени од земја или организација на начин да се припишат на друга, обично ривалска земја или организација за пропагандни цели.