УХМР: Од утре температурите ќе опаѓаат, ќе има дожд и грмежи

Управата за хидрометеоролошки работи на Македонија предупреди дека од утре ќе има значителна промена на времето.

Како што соопшти УХМР, ќе преовладува променливо, нестабилно време, со услови за повремени врнежи од дожд.

На некои места врнежите од дожд ќе бидат обилни и проследени со грмежи, особено се очекува во вторник.

„Дневната температура ќе се намали и кон средината на следната недела се очекува да се намали за 8 до 10 степени Целзиусови во споредба со денешните температури“, се вели во соопштението на УХМР.