Уште еден контингент албански војници се приклучи на мисијата КФОР (НАТО) на Косово

Министерот за одбрана на Албанија, Нико Пелеши, објави дека уште еден контингент албански војници се приклучил на мисијата КФОР на Косово.

Според него, ова јасно ја покажува решеноста на Албанија да го заштити мирот во Косово и регионот.

„Уште еден контингент се приклучува на мисијата КФОР на Косово, со што уште повеќе се зголемува придонесот на Албанија во Алијансата. Нашето учество во оваа мисија на НАТО е јасен показател за решеноста на Албанија да помогне и да го заштити мирот не само во Косово туку и во регионот“, напиша Нико Пелеши во објава на социјалната мрежа Фејсбук.