“УШТЕ ЕДЕН ОБИД ЗА СОЗДАВАЊЕ АНТИ-РУСИЈА!“ – Захарова ја коментираше намерата на Украина да ја преименува Руската Федерација во друго име

„Идејата Русија да се преименува во Московја на украински јазик уште еднаш ги докажува обидите да се создаде „анти-Русија“ од Украина“, изјави во саботата портпаролката на Министерство за надворешни работи на Русија, Марија Захарова.

Претходно беше објавено дека украинскиот претседател Володимир Зеленски го задолжил премиерот Денис Шмигал „внимателно да ја проучи“ можноста Русија да се преименува во Московја на украински јазик.

„Претседателот на Украина, Володимир Зеленски докажува дека сме во право секој ден. Еве уште еден доказ за обидот да се создаде „анти-Русија“ од Украина“, напиша потпаролката во саботата на нејзиниот канал на социјалната мрежа Телеграм, коментирајќи ги инструкциите на украинскиот претседател.

Упатствата дојдоа како одговор на петицијата која собра 25.000 потписи на веб-страницата на Зеленски и затоа беше поднесена на разгледување до претседателот на Украина.

Украинскиот претседател побара од Шмигал да проучи дали таков потег е возможен во историски и културен контекст и какви последици може да има според меѓународното право.

Во петицијата се предлага и да се замени терминот „Руска Федерација“ со „Московја“ и зборот „руски“ со „московјанец“.

Предлогот за преименување на Русија во Московија беше изнесен од градскиот совет на Киев во јануари 2022 година, по слични иницијативи изнесени од регионалните власти од украинските региони Лавов и Ровно во декември 2021 година.