Фон дер Лајен: ЕУ ќе одвои шест милијарди евра за Балканот, но само по реформи
Претседателката на Европската комисија, Урсула фон дер Лајен денеска во Тирана, каде што се одржува Самитот на Берлинскиот процес, изјави дека за Западен Балкан е планиран инвестициски пакет вреден шест милијарди евра, кој, сепак, ќе да се инвестира само откако ќе се спроведат потребните реформи.за влез во ЕУ.
Таа на заедничката прес-конференција со германскиот канцелар Олаф Шолц и албанскиот премиер Еди Рама рече дека овие реформи ќе го доближат Западен Балкан до Европската унија, а регионот ќе стане поатрактивен за инвеститорите.
„Предложивме инвестициски пакет во вредност од шест милијарди евра, кој се состои од две милијарди евра грантови и четири милијарди евра заеми. Сепак, парите ќе се инвестираат дури откако ќе се спроведат реформите. Значи, тоа е условено. Добро функционира во Европската унија и верувам дека ќе функционира на Западен Балкан“, рече фон дер Лајен.
Таа нагласи дека е неопходно приближување на економиите на земјите од Западен Балкан и Европската Унија, додавајќи дека за членство во ЕУ е неопходно да се спроведат реформи.
„Треба да ги зближиме нашите економии и да ги забрзаме реформите потребни за влез во Европската унија. Новиот план за економски раст на Западен Балкан има потенцијал да ја удвои вредноста на економиите на Западен Балкан во оваа деценија“, рече дер Лајен.
Таа наведе дека планот се состои од четири точки – пристап на земјите од Западен Балкан до единствениот пазар на ЕУ во клучни области, формирање на единствен регионален пазар на Западен Балкан, спроведување на реформите и зголемување на инвестициите на ЕУ во Западен Балкан. Балканот доколку се спроведат потребните реформи.
Според неа, заедничкиот регионален пазар на земјите од Западен Балкан ќе го зголеми БДП на регионот за 10 отсто, а за пристап до единствениот пазар на ЕУ потребно е да се спроведат реформи со цел да се доведат земјите од регионот економски поблиску до членките на Унијата.
Албанскиот премиер Еди Рама изјави дека тешките времиња го зајакнале пријателството меѓу Европската унија и земјите од Западен Балкан.
Овие времиња го зајакнаа нашето пријателство и соработка, како и чувството за заедница“, рече Рама на прес-конференција, пренесува Танјуг.
Воедно додаде дека ова е тежок момент за сите.
„Предизвиците со кои се соочуваме заедно се големи поради последователните кризи што нè погодија. Изгледа дека работите нема да се подобрат на многу фронтови, вклучувајќи го и ужасниот конфликт меѓу Израел и Хамас“, посочи Рама.
Зборувајќи за самитот во Берлинскиот процес, албанскиот премиер изјави дека се водат отворени и искрени дискусии и им се заблагодари на Шолц и Фон дер Лајен за поддршката.
