Фотографијата на актерската легенда како маѓепсано гледа во раскошното деколте на неговата 25 години помлада сопруга Кетрин е вистински хит во странските медиуми!
Мајкл Даглас и Кетрин Зета Џонс воодушевија со своето појавување на премиерата на филмот „Ant-Man and the Wasp: Quantum Mania“ во Лондон, а тој не го тргаше погледот од нејзиното деколте.
Еден од најстабилните холивудски парови, актерите Мајкл Даглас (78) и Кетрин Зета Џонс (53) и по 22 години брак и понатаму се вљубени.
Тоа го потврдија на премиерата на филмот „Ant-Man and the Wasp: Quantum Mania“ во Лондон, каде дојдоа фатени за раце, а Даглас не можеше да го тргне погледот од својата убава сопруга, која во елегантен син фустан ја покажа прекрасно деколте.
Актерот неколку пати беше фатен од фотографите како ги гледа градите на неговата сопруга, а таа со својот изглед ги маѓепса сите присутни.
Кетрин и Мајкл се запознале на филмскиот фестивал во Довил во 1998 година, а убавата Велшанка истата вечер го шармирала холивудскиот ветеран, иако на почетокот не ѝ се допаѓал.
Даглас веќе и кажал половина час по средбата со неа дека ќе биде татко на нејзините деца, на што Кетрин одговорила: „Знаеш, слушнав многу за тебе. И мислам дека е време да кажам добра ноќ .
Во тоа време актерот се разделуваше од сопругата Диандра Лукер со која беше во брак 18 години и призна дека се срами од неговата изјава, па во знак на извинување испрати порака и цвеќе на Кетрин.
Една година подоцна се свршија, а се венчаа на 18 ноември 2000 година во познатиот њујоршки хотел Плаза. Нивната венчавка е прогласена за свадба на годината, што не е чудно бидејќи на неа потрошиле дури 1,5 милиони фунти, а тогаш секако предизвикале големо внимание поради разликата во годините.
Двојката имаше две деца заедно, ќерката Керис и синот Дилан .
Интересно е што и двајцата го слават роденденот на 25 септември, но меѓу нив има 25 години разлика, па јавноста не им даваше многу шанси на почетокот на нивната врска, но ги надминаа сите предрасуди.
