ФОТО | Во оваа европска земја се чека во ред за купување билет за најголемата лотарија во светот: “Ел Гордо“ изнесува вртоглави 400.000 евра

Периодот на одмор во Шпанија почнува утре со извлекување на најбогатата лотарија во светот, со награден фонд од 2,59 милијарди евра, а граѓаните веќе формираа и чекаат во редици пред киосците за купување билети.

Извлекувањето на божиќната лотарија се емитува во живо на националната телевизија, а децата од училиштето „Сан Илдефонсо“, поранешен дом за сираци, пеат додека ги објават извлечените броеви и соодветните награди.

Купувањето и споделувањето банкноти од 20 евра е голема традиција меѓу семејствата, пријателите, соработниците, во кафеаните, спортските и социјалните клубови.

Популарната државна лотарија распределува вкупно 2,59 милијарди евра, од кои голем дел оди на стотици помали награди.

„Купувам по два билети годишно, една за моите родители и една за себе. Ја гледаме ждрепката дома на телевизија и ако добиеме нешто, се гушкаме“, изјавила Карин Аризака која студира и работи како продавачка во Мадрид.

Наградите се движат од 20 евра, со други зборови – ги добивате парите назад, до главната награда од 400.000 евра, позната како „Ел Гордо“, која оди кај илјадници сопственици на билети со исти победнички бројки.

Другите лотарии ширум светот имаат поголеми индивидуални главни награди, но Шпанската Божиќна Лотарија, која се одржува секоја година на 22. декември, има најголем вкупен награден фонд.