ФОТО | ОВА Е НОВОТО СУПЕРМОДЕРНО ОРУЖЈЕ НА ИЗРАЕЛ – Соборува ракети и беспилотни летала без да троши ниту едно парче муниција

Израелската компанија за напредни одбранбени системи Rafael развива против-воздушен одбранбен систем Iron Beam (превод: Железен Зрак), кој се состои од систем за ласерско оружје дизајниран да ја брани земјата од проектили кои доаѓаат, пишува Business Today.

Новата технологија многу личи на оружјето видено во научно-фантастичните филмови како „Star Wars“. Овој иновативен систем беше претставен на саемот во Сингапур на 11. февруари 2014 година. Сега повторно е во центарот на вниманието поради неговата потенцијална примена во тековниот конфликт со Хамас.

Карактеристики на Iron Beam

Iron Beam треба да стане шестиот елемент на интегрираниот систем за против-ракетна одбрана на Израел, по системите Arrow 2, Arrow 3, David’s Slingshot и Iron Dome.

Iron Beam користи ласер за да ги елиминира заканите во воздухот и е економично и ефикасно решение – за разлика од ракетите Iron Dome кои се многу скапи.

Овој систем може да функционира како самостоен одбранбен механизам или може да се интегрира во поширок систем за против-воздушна одбрана.

Во споредба со традиционалните ракетни пресретнувачи, Iron Beam има значително помали трошоци по истрел, неограничен капацитет за гаѓање, намалени оперативни трошоци и го елиминира ризикот од пресретнати ракетни остатоци да паднат на заштитените подрачја.

Во 2020 година, системот демонстрираше многу импресивен ефективен дострел до седум километри и е способен брзо да ги неутрализира ракетите, беспилотните летала и минофрлачките гранати за неколку секунди по погодувањето на целта. Понатаму, се планира да се зголеми нивото на моќност и има потенцијал да достигне 100 kW или повеќе.

Воведувањето на Iron Beam како одговор на конфликтот со Хамас

Доколку Iron Beam почне активно да се користи во борба, тоа ќе биде клучен потег на Израел за зајакнување на својата воздушна одбрана во услови на тековниот конфликт со Хамас. Првично, оваа нова технологија не беше планирана за имплементација неколку години.