ФОТО | СРЕЌНИ ВЕСТИ – Серена Вилијамс за прв пат јавно го покажа трудничкиот стомак на црвениот тепих на Мет Гала: “Доаѓа второто бебе!“

Една од најдобрите тенисерки во историјата, Серена Вилијамс (41 г.), на црвениот тепих на Мет Гала објави среќна вест: таа и нејзиниот сопруг Алексис Оханијан годинава ќе добијат второ дете. 

Серена, која е редовна гостинка на најголемиот, гламурозен и исклучително важен моден настан, ја покажа новата боб фризура како и трудничкиот стомак, во црн фустан на модната компанија Gucci со проѕирни ракави и бели тулови на здолништето. Таа го комплетирала стајлингот со ѓердан од бисери од неколку жици и соодветна наметка на главата.

„Се чувствувам добро, можам да дишам. Конечно можам да престанам да се кријам“, рекла спортистката и се пошегувала дека нема да пие алкохол иако шампањот изгледал многу примамливо.

Сепак, први кои дознаа дека Вилијамс го чека своето второ дете беа нејзините обожаватели на социјалната мрежа Инстаграм. Ги има 16,5 милиони, а неколку минути пред да замине на црвениот тепих, пред камерите, Серена сподели една убава вест со нив.

„Бев толку возбудена кога Ана Винтур не покани тројцата на Мет Гала“, напиша таа под фотографиите на кои со рацете го држи својот стомак. За пет часа од објавувањето, омилената на многумина доби речиси 700.000 допаѓања и честитки.

Вилијамс и Оханијан, кои се во брак од ноември 2017 година, веќе се родители на 5-годишната Олимпија, која е родена во септември истата година. Серена често зборуваше дека сака да и подари брат или сестра на својата ќерка и дека би сакала празнината да не биде преголема, туку исто како со неа и нејзината постара сестра Венус Вилијамс, која е само една година постара од неа.