Франција усвои закон за легализација на еутаназијата: Затвор за оние кои се мешаат во нечие право на смрт

Членовите на Долниот дом на францускиот парламент го одобрија законот за легализација на еутаназијата , отворајќи го патот земјата да стане најновата европска нација што им дозволува на терминално болните луѓе да си го одземат животот, објави Ројтерс.

Се очекува законот да биде усвоен во Сенатот , а анкетите покажуваат дека повеќе од 90 проценти од Французите поддржуваат закони што им даваат право на смрт на луѓето со терминални болести или бескрајно страдање.

Францускиот претседател Емануел Макрон го нарече гласањето во Националното собрание „важен чекор“.

Предлог-законот, кој беше усвоен со 305 гласа „за“ и 199 „против“, предвидува право на асистирано умирање за секој француски државјанин над 18 години кој страда од сериозна или неизлечива, опасна по живот, напредна или терминална состојба.

France’s National Assembly approves assisted dying bill: What it means for end-of-life care#AssistedDyingBill #assisteddying #France #billpassedhttps://t.co/ia3BcmbscD

— Mathrubhumi English (@mathrubhumieng) May 27, 2025

Лицето, кое мора слободно да ја донесе таа одлука, мора да има и постојано физичко или психолошко страдање кое не може да се ублажи.

Според законот, пациентот може сам да ја администрира смртоносната доза или акредитиран медицински професионалец може да го стори тоа ако пациентот е физички неспособен.

Предлог-законот, исто така, предвидува дека секој што се меша во нечие право на смрт може да се соочи со двегодишна затворска казна и парична казна од 30.000 евра.