Халанд навистина е фудбалско чудовиште: Тоа што го направи, ниту еден играч во Премиер лига не го направил!
Напаѓачот на Манчестер Сити, Ерлинг Халанд е единствен по многу нешта во светот на фудбалот. Податокот кој го дели од конкуренцијата, а кој е неверојатен, е дека Норвежанецот погодил барем по еден гол кај секој клуб во Премиер лигата.
Звучи нереално, но тоа е вистина. Ерлинг Халанд ја затресе мрежата кај секој клуб што се натпреварувал во англиското фудбалско првенство откако Англичанецот зачекори на стадионите во Премиер лигата. Вкупно, тој постигна 53 гола на 55 првенствени натпревари во најдобрата лига во светот.
Ерлинг Халанд постигна најмногу голови против најголемиот ривал Манчестер Јунајтед, но и за Фулам од Лондон. Русокосиот напаѓач беше особено жежок против Вест Хем, Евертон, Вулверхемптон, Нотингем Форест и Кристал Палас. Ним, четири пати им ја затресе мрежата.
Тој им даде три гола на Брајтон и Саутемптон, а два на Челзи, Арсенал, Барнли и поранешните премиерлигаши Лидс и Лестер. Астон Вила, Њукасл, Бурнмаут, Тотенхем, Шефилд Јунајтед и Брентфорд имаа најголема среќа кога беше во прашање Ерлинг Халанд, каде Норвежанецот само еднаш го победи голманот.
Ерлинг Халанд потпиша петгодишен договор со Манчестер Сити во јули 2022 година, кога англискиот клуб Дортмунд за него плати 60.000.000 евра, колку што беше откупната клаузула. Во исто време, менаџерската агенција на покојниот Мино Раиола доби 15.000.000 евра од Сити, а таткото на Ерлинг, Алф Инге Халанд 10.000.000 евра како бонус и подарок за клубот.
Ерлинг Халанд заработува фантастични пари во Манчестер Сити. Норвежанецот само од договорот добива 15.000.000 евра годишно. Но, има и бонуси, поврзани со бројот на голови, асистенции, минути поминати на теренот… Кога сето тоа ќе се собере, новинарите на британски „Дејли мејл“ пресметале дека Халанд заработува 24.000.000 евра годишно. До крајот на договорот Халанд ќе го чини Сити близу 350.000.000 евра со обештетување, провизии и договор.
Головите на Ерлинг Халанд во Премиер лигата:
5 – Манчестер Јунајтед, Фулам
4 – Вест Хем, Евертон, Волвс, Нотингем Форест, Кристал Палас
3 – Брајтон, Саутемптон
2 – Челзи, Арсенал, Барнли, Лидс, Лестер
1 – Астон Вила, Њукасл, Бурнемаут, Тотенхем, Ливерпул, Шефилд Јунајтед, Брентфорд
