Хамас: Има индиции дека израелската армија закопувала живи луѓе во масовни гробници

– Палестинското движење на отпорот Хамас повика на итна меѓународна истрага за масовните гробници што беа откриени во околината на болницата Насер во Хан Јунис на јужниот дел од Појасот Газа.

Хамас упати соопштение во врска со три масовни гробници што беа пронајдени на теренот на болницата Насер, од кои досега се ексхумирани 392 тела.

Во соопштението се наведува дека медицинските тимови продолжуваат со потрагата по телата на луѓето убиени од израелските сили, а тоа се тела закопани во околината на болницата Насер.

Хамас повикува на итна меѓународна истрага за масовните гробници.

„Бараме од Обединетите нации и релевантните меѓународни организации да пратат стручни тимови за судска медицина и потребната опрема за потрага по исчезнати лица и идентификување на телата“, се вели во соопштението.

Беше нагласено дека повеќе од половина од досега пронајдените тела не може да се идентификуваат.

„Неопходно е итно да се формира независна меѓународна комисија што ќе ги истражи овие злосторства. Исто така, постојат индиции дека некои луѓе се закопани живи“, се додава во соопштението.

Палестинската цивилна одбрана ексхумираше најмалку 392 тела од масовните гробници во комплексот на болницата Насер во Хан​​​​​​​ Јунис.

Телата беа откриени откако израелската армија се повлече од Хан Јунис на 7 април по четиримесечна окупација.

Израел започна офанзива во Појасот Газа по прекуграничниот напад на палестинската група Хамас на 7 октомври. Оттогаш во енклавата се убиени повеќе од 34.300 Палестинци.