Хамас објави видео од израелски заложник! Млад човек ги моли израелските лидери да потпишат договор за ослободување на заробениците (ВИДЕО)
Палестинската милитантна група Хамас денеска објави видео на кое се гледа израелскиот заложник Матан Зангаукер, за кој тврди дека е жив.
На видеото се гледа како човек кој се претставил како Зангаукер (24), ги моли израелските лидери да склучат договор со Хамас што ќе доведе до ослободување на заложниците, објави Ројтерс.
Хамас досега објави неколку видеа од заложниците кои молат да бидат ослободени, а израелските власти ги отфрлаат видеата како психолошка пропаганда со цел да се изврши притисок врз владата.
Форумот на членови на семејството заложници рече дека видеото дава дополнителен доказ дека по повеќе од 420 дена во заробеништво, има заложници кои сè уште се живи и страдаат.
Пратеникот на новоизбраниот американски претседател Доналд Трамп за Блискиот исток, Стив Виткоф ги посети Катар и Израел каде што се обиде да ги поттикне напорите за дипломатско решение за прекинот на огнот во Газа, што ќе вклучи ослободување на заложниците пред Трамп официјално да ја преземе функцијата на 20 јануари, пренесе Ројтерс.
