Хамас: Понудивме да ослободиме уште двајца заложници, Израел одби да ги прифати

Ослободувањето на израелските војници држени како заложници во Појасот Газа може да се преговара само по војната, изјави портпаролот на Хамас. „За ова прашање нема да се разговара до крајот на израелската агресија против Појасот Газа и воопшто врз палестинскиот народ“, изјави Осама Хамдан, кој живее во Либан.

Хамас сака да постигне ослободување на палестинските затвореници од израелските затвори. Во врска со прашањето за цивилните заложници, кои Хамдан ги опиша како „гости“, Хамас е во контакт со неколку земји, вклучувајќи ги Египет, Катар, Турција, Кина и Русија, додаде тој. Во интерес на Хамас е киднапираните да се вратат во своите земји, рече Хамдан. Ова, сепак, зависи од „безбедносните околности“.

Хамас исто така тврди дека имал намера да ослободи уште двајца заложници од „хуманитарни причини“, но Израел „одби да ги прими“. Абу Убаида, портпарол на бригадите „Из ел-Дин ал-Касам“, во соопштение рече дека вчера го информирале Катар за нивната намера да ги ослободи заложниците. Засега нема реакција од Израел и Катар на ова тврдење.