Хаос и паника во Хрватска! Дојави за бомби на неколку локации во Сплит, полицијата на терен
Сплитската полиција од утрово пред седум часот проверува дојави за бомби кои пристигнале на четири локации во тој град.
Во анонимната електронска пошта, која е испратена и до медиумите, се наведува дека експлозивни направи биле поставени во градската управа на Бановина, во црквата Свети Франциско, во близина на споменикот на хрватските одбранбени сили и во Сплитскиот трговски центар „Сити центар еден“, пренесува хрватски Индекс.
Во Бановина работното време е седум часа, па немало потреба од евакуација, само вработените биле предупредени да не доаѓаат на работа, пренесува порталот Далматински.
Сплитско-далматинската полиција соопшти дека утринава добила мејл со анонимна дојава за наводно подметнати експлозивни направи.
Како што наведе таа, на сите локации се испратени полициски службеници за проверка на веродостојноста на пријавите и ќе ги преземат сите мерки и активности за заштита на безбедноста на граѓаните.
