Хлорот може да биде опасен по вашето здравје: Доколку ги забележите овие симптоми, веднаш излезете од водата
Веста дека има труење во Аква паркот во Бачки Петровац поради пареа од хлор загрижи многумина.
Сезоната на пливање на базените допрва треба да го достигне својот врв, а многумина беа загрижени дека дури пет деца се задржани во Детската болница во Нови Сад, откако се затруле со гасови од хлор.
Сите деца имаат иритација на очите, кашлица и печење во носот, а сомнителни се испарувања на хлор.
Симптомите можат да бидат незабележливи, но и многу болни
- Пецкање очи и други делови од телото
- Кашлица
- Пликови
- Сува кожа
- Сува коса
- Кршливи нокти
- Заматен вид
- Црвенило на кожата
- Стегање во градите
- Црвени, иритирани очи
- Тешко дишење
- Болки во грлото и носот
Ова се знаци дека има премногу хлор во базенот и треба што поскоро да излезете од водата, велат од Агенцијата за токсични материи (ЦДЦ).
Иако хлорот е неопходен за да се одржува чистата вода, големи количини од него не се добри за здравјето, тој произведува нуспроизвод бромодихлорометан, кој се смета за „веројатно канцероген за луѓето“.
Покрај тоа, високите концентрации на хлор може да влошат некои други состојби, како што се астма, егзема и некои алергии на храна.
