Хорор во Лион! Еврејка брутално избодена со нож пред нејзиниот стан: Полицијата видела грозоморен симбол на вратата (фото)

Еврејка вчера била брутално нападната на вратата од нејзиниот стан во Лион, Франција.

Жената, чиј идентитет не се соопштува, непознат маж ја прободел двапати со остар предмет кога ја отворила вратата и побегнал.

Се сомнева дека претходно на вратата на несреќната жена нацртал „свастика“.

Според француските медиуми, непознато лице заѕвонило на вратата на жртвата, која има само нешто повеќе од 30 години. Кога девојката ја отворила вратата, тој ја прободел двапати, најверојатно со нож, а потоа побегнал.

Напаѓачот бил облечен во црно, а лицето му било покриено.

„Жртвата, нејзиното семејство и еврејската заедница се шокирани. Меѓу зборовите и знаците за акција… До денес во Франција не знаевме дека можеме да бидеме жртва на антисемитски напад, кој може да доведе до обид за убиство“, изјави адвокатот на жртвата Стефан Драи за BFMTV.

Против непознато лице ќе биде поднесена кривична пријава за обид за убиство.

За среќа животот на девојката не е во опасност.