Хорор на фудбалски натпревар! Пукање го прекина мечот: Се судрија две банди, фудбалерите си разотидоа! Има и повредени (ВИДЕО)

Најмалку седум лица се повредени во вооружен напад на фудбалски натпревар на Кајманските Острови, соопшти локалната полиција.

Инцидентот се случил доцна во неделата во Вест Беј, Гранд Кајман, а полицијата верува дека се работи за расправија со банди.

Четири од седумте повредени лица веќе се пуштени од болница, изјави полицискиот комесар Курт Волтон на прес-конференција.

Тој додаде дека постои сомневање дека напаѓачот испукал насочени истрели кон северната трибина на стадионот, со намера да убие најмалку две лица.

„Ова беше цел напад. Пукањето се случи за време на второто полувреме на локалниот фудбалски натпревар, на кој присуствуваа околу 300 луѓе“, рече Волтон.