Хороскопски знаци кои најдолго остануваат во врски кои повеќе не ги исполнуваат

Тие не се наивни или слаби, но кога сакаат, сакаат до крај. А кога ќе престанат да бидат среќни, честопати остануваат долго време. Поради одговорност, надеж, минатото или едноставно навика. Луѓето родени под овие знаци тешко раскинуваат, бидејќи им е грижа. Дури и кога знаат дека е време да се заврши.

Рак

Раковите тешко се откажуваат. Во врските, тие бараат сигурност, поврзаност и емоционална длабочина. Откако ќе изградат емотивен дом со некого, не го уриваат лесно. Дури и кога ќе видат дека љубовта исчезнува, тие остануваат поради спомените, поради ветувањата, поради чувството дека можеби сè уште може да биде како порано.

Бик

Биковите се лојални и трпеливи, но исто така и тврдоглави. Откако ќе инвестираат во врска, тешко им е да се откажат. Често остануваат дури и кога повеќе не се исполнети, од чувство на одговорност, стабилност или страв од непознатото. Кога ќе ги прашате зошто не си одат, можеби дури и не знаат, едноставно се уште се тука.

Јарец

Јарците се лојални партнери кои преземаат сериозна улога во врската. А кога повеќе не се чувствуваат исто, можат да останат „од принцип“, бидејќи не сакаат да се предадат. Во нивниот свет, раскинувањето не е само крај на врската, туку признание дека „направиле грешка“, а тие тешко си дозволуваат тоа. Но, внатрешно тие често знаат дека нешто повеќе не функционира.