Хроничната горушица може да биде предупредување за рак! Не ги игнорирајте овие симптоми – тие се подмолни
Повремените киселини се чести за време на празниците, но доколку станат хронични, може да укажуваат на сериозни здравствени проблеми, па дури и на рак на хранопроводникот. Експертите советуваат да не ги игнорирате симптомите!
Повремените киселини не се невообичаени, особено за време на празници и прослави, кога претераме со храна и пијалоци. Сепак, хроничните киселини можат да бидат сериозен здравствен проблем, предупредува гастроентерологот Саураб Сети, кој тврди дека овој симптом дури може да се поврзе со развој на рак на хранопроводникот.
– Неодамна имав пациент со хронични киселини на кои му беше дијагностициран рак на хранопроводникот. Ова е услов кој не смеете да го игнорирате. Клучно е да се оди на лекар навреме бидејќи последиците можат да бидат сериозни – вели Сети.
@doctorsethimd Never Ignore THIS Common Gut Symptom ❌ Doctor Sethi #medical ♬ original sound – Doctor Sethi ⚡️
Горушица се јавува кога долниот езофагеален сфинктер, кој треба да се затвори после јадење, останува отворен, што доведува до враќање на стомачната киселина во хранопроводникот . Доколку оваа состојба не се лекува, може да се претвори во предканцерозна состојба позната како „Барет-ов хранопровод“, што го зголемува ризикот од малигнитет, пишува „ Мирор “.
За повремени киселини, Сети советува неколку едноставни чекори:
- спиење на левата страна од телото,
- избегнување на доцни оброци – идеално четири часа пред да заспиете,
- консумирање анасон после јадење, што може да помогне во смирување на симптомите.
– Доколку имате чувство дека храната ви се заглавува во грлото или имате проблеми со голтањето, задолжително консултирајте се со лекар. Ваквите симптоми може да укажуваат на посериозна состојба – предупредува Сети.
Тој исто така препорачува за време на празниците да избегнувате мрсна и тешка храна, како и премногу шеќер. Предност треба да се даде на салати, печен или пржен зеленчук. Прилагодете ја исхраната и внимавајте на вашето здравје, бидејќи игнорирањето на симптомите може да доведе до долгорочни последици.
