Хутите најавија одговор на американскиот напад врз Иран: „Само е прашање на време“

Јеменскиот функционер на Хутите, Мохамед ал-Бухаити, во неделата изјави дека одговорот на групата поврзана со Иран на нападот на САД врз Иран е „само прашање на време“.

Ал-Бухаити, член на политичкото биро на движењето Хути, за телевизијата Ал Џезира Мубашер изјави дека нивниот договор за прекин на огнот со Вашингтон е постигнат пред „војната“ против Иран.

Патем, тие претходно постигнаа договор за прекин на таргетирањето бродови во Црвеното Море, на што Трамп беше особено горд. Договорот беше постигнат во мај и се однесуваше на прекин на огнот со САД, со кој беа запрени нападите врз американските бродови, како и американското бомбардирање на Хутите.

Хутите извршија напади врз бродските патишта и Израел како знак на солидарност со Палестинците во Газа за време на израелските напади.