ЦЕЛОСЕН ХАОС НА АЕРОДРОМИТЕ ВО БРИТАНИЈА! Падна системот за пасошка контрола вреден 430 милиони евра
Хаос на аеродромите во Британија, падна електронскиот систем за пасошка контрола!
Електронскиот систем за проверка на пасошите на аеродромите во Британија падна, поради што илјадници патници доживеаја огромен проблем. Системот за електронска пасошка контрола, кој ги отвора е-портите на аеродромите за патниците да не мора да одат до шалтер, целосно се урна, а хаосот траеше два дена.
На снимките од британските аеродроми се гледаат нервозни патници „набиени“ во ходниците, а избезумениот персонал им дели вода и се обидува да ги смири.
Системот „Граничен премин“ беше воведен пред три години и чинеше 430 милиони евра. Неговиот колапс значеше дека персоналот на аеродромот мораше рачно да го проверува секој пасош во однос на резервните бази на податоци, вклучително и оние поврзани со тероризам и имиграција.
Ако системот работи, сите патници само би поминале низ портите што се отвораат кога системот ќе утврди дека пасошот што го скенирале е во ред.
Системот беше во прекин речиси два дена, предизвикувајќи огромни проблеми на аеродромите како Гетвик, Хитроу, Станстед, Латон, Единбург, Манчестер…
Електронскиот систем за верификација на пасошот конечно почна да работи околу 2 часот по полноќ, а властите рекоа дека нема индикации дека бил урнат од сајбер напад. Погледнете го видеото.
