ЧЕЛСИ ВЕЌЕ НАЈДЕ НОВ ТРЕНЕР!? Баерн го избрка поради СКАНДАЛОТ, но „сините“ плаќаат тој да дојде во Лондон!

Челзи многу брзо ќе назначи нов тренер, а додека тоа не се случи – тимот ќе го води Бруно, поранешниот помошник тренер на Греам Потер.

Челзи по само седум месеци реши да го замени Греам Потер поради лошите резултати и немаше трпение за него, иако новиот сопственик Тод Боли тврдеше дека тоа е долгорочен проект и затоа младиот Англичанец добил петгодишен договор . Сепак, по поразот од Астон Вила (2:0) решија да тргнат во потрага по нов стратег и се чини дека го имаат „првиот пик“ благодарение на сличен потег на Баерн Минхен.

Италијанскиот новинар Фабрицио Романо објави дека раководството на Челзи сака да го доведе Џулијан Нагелсман, кој остана без работа на „Алијанц арена“ на крајот на март, иако резултатите беа задоволителни, него му „пресуди“ соблекувалната додека тој наводно се скарал со половина од играчите поради неговата нова (сега поранешна) девојка новинар .

Нагелсман нормално сакаше да направи пауза во кариерата по заминувањето од Баерн и мирно да го дочека летото, но повикот на Челзи може да го промени тоа, особено што му се нуди многу амбициозен проект во кој се вложени преку 600 милиони евра во последните два трансфер периоди . Исто така, поволна е околноста што од декември технички директор на Челзи е Кристофер Вивел , со кого Нагелсман веќе соработуваше во Лајпциг, додека од летото кај него доаѓа Кристофер Нкунку , најдобриот играч на оваа екипа.

Интересно е што Челзи за Нагелсман ќе мора да му плати обештетување на Баерн, бидејќи тој имаше договор до 2026 година и во случај да стане тренер на друг клуб, одлуката да ги исплати преостанатите плати се укинува, но што има Тод Боли платено во последно време, се чини дека тоа ќе биде најмал проблем за Американецот.

Во медиумите се споменуваат и Маурицио Покетино и Зинедин Зидан, но тешко дека сега би дошле во Челзи, кој инсистира на тренери „лаптоп“ за кои смета дека би можеле да ја променат историјата на клубот. Потер не успеа, а Нагелсман …